網上安全購物🛍️🔐

Views: 5

PayPal 係北美好普及嘅網上付款平台。1998年創立2002年上市並且同eBay合併。網上非常多嘅大小商戶，甚至係Bestbuy、Walmart、Apple等都係接受用PayPal嚟網上付款。PayPal亦支持個人之間嘅轉帳。

一般嘅用法係先開戶，後連結上你嘅加拿大或美國銀行戶口、或者信用/debit卡，然後每次要付款或轉賬就先登入PayPal戶口*，然後選擇來源用結餘或銀行戶口或信用/debit卡。喺商戶網頁選擇 PayPal付款，商戶們係冇機會直接索取你嘅銀行或信用卡資料，所以相對比較安全。

PayPal其中一個好處係 Dispute resolution，就係如果你對訂單交收不滿，例如貨品不符或者付款後商戶冇跟進訂單，你可以同PayPal呢個中間人交涉要求退款。佢哋效率非常之高，一般申請退錢好容易。如果你須要寄回貨品比商戶先攞倒退錢，PayPal仲可能退番回郵費用俾你(呢樣服務至年底就完)。

另一個好處係 multiple currencies。例如英國有人轉賬英鎊俾你，你可以先留住英鎊結餘，將來要用英鎊再喺英鎊結餘扣除。但係你亦可以兌換去加幣轉帳到已經結連嘅加幣銀行戶口，亦可以兌換去美金轉帳到已經結連嘅美金銀行戶口。

如果你加拿大同美國都結連咗銀行戶口，亦可以從加拿大銀行戶口上存款項到PayPal，然後兌換美金使用或者再轉帳到美國銀行戶口，省去一般跨國匯款手續費。

PayPal 👈現在用呢個連線開戶有＄10回贈

*建議使用 Multifactor authentication增加安全，例如輸入密碼後再用要手機短訊驗證。