Views: 1
有6個月大到4歲小朋友嘅家庭，想介紹吓渥太華嘅 FirstWords program。呢個政府program亦係好搶手嘅，以前要 (圖書館或community health centre etc. Covid 宜家冇physical) 開門前半個鐘帶埋小朋友同health card排隊做screening(每日有limit﹐好快滿) 睇吓小朋友嘅發音、聽、講達唔達標。唔達標的話會轉介比兒童醫院嘅語言治療師再做單對單治療。
因為排期會耐(其實好多小朋友語言要幫助，而我個人覺得CHEO兒童醫院嘅設備比唔洗等嘅私人SLP診所好) ，建議越早做screening越好。
4歲過後政府將責任拋比school board﹐而school board係冇落咩funding嘅，一大班家長每人派疊printout你番去同啲小朋友自己練咁上吓。
FirstWords呢個program係父母要先自己帶小朋友去做screening。Screen in嘅話5歲前兒童醫院會有單對單治療(嗰個真係做得好好所以要早) 。之後個波彈比公校局，記得嗰時public公校局叫有語言障礙嘅小學生嘅家長開會呢，分咗幾輪之後都仲坐滿一大個禮堂仲要企位。然後每家排隊去攞一疊個別情況嘅教材叫父母番去自己練因為唔夠resource上堂去幫啲小朋友。
至於screen啲乜，係評估相對年齡佢哋發唔倒某啲音，好似好多亞洲人發唔啱「Th」音嗰種。記得學校局開會時叫啲家長睇住仔女評估發唔倒個list啲音嚟自己試比對方聽，佢話非常大可能父母其中一個自己都發唔啱嗰個音，希望下一代可以趕得切矯正啦。
公校局可以睇下佢哋比父母嘅Parent Articulation Training Workshop。
