Views: 6
由聯邦政府所發出嘅電郵係唔會「或者絕少會」有任何連線嘅。
以下呢啲聯邦政府嘅網址亦係冇落連線嘅， 請自行 copy and paste 落去個 browser 度核對清楚至開啟個網址。 因為任何嘅連線都可以隱藏另外一個唔同嘅網址，想提醒大家，尤其係觸及自己喺政府嘅個人資料，記得要份外小心謹慎。
CRA 加拿大稅局 portals:
- My Account
- 個人稅務 (相關賬戶-SIN)：查看入息稅結餘、T4糧單、加拿大兒童福利金 (Canada Child Benefit CCB) 及其他津貼款項、RRSP (註冊退休儲蓄計劃) 同TSFA (加拿大免稅儲蓄賬戶) 可用數目、收入證明、緊急援助津貼申請及所發放金額、改地址電話電郵、改婚姻狀況、改自動轉賬銀行戶口、申請GST／HST退稅（例如首置物業係新建房屋）、查看還未被你cash in嘅政府已發放支票（可能寄失咗）、加或刪除或檢視你嘅授權代表（例如曾經幫你報稅嘅律師、會計師、熟人等還可以繼續睇或更改你嘅賬戶資料）、開辦非居民(Non-resident)戶口嚟申報加拿大租金收入。
- My Business Account
- 商業稅務 (相關賬戶-Business Number)：查看入息稅、各消費稅、關稅、燃油稅及其他商業稅項紀錄、慈善機構捐款紀錄、員工T4糧單、GST／HST收入申報、TSFA投資者紀錄、緊急援助津貼申請及所發放金額、加或改公司名稱、改地址電話電郵、改自動轉賬銀行戶口、加或改公司管理人員、加或刪除或檢視你嘅授權代表（例如曾經幫公司報稅嘅律師、會計師、員工等還可以繼續睇或更改你嘅賬戶資料）、註冊非居民(Non-resident)戶口嚟申報加拿大租金收入、登記信託公司、加或刪除你所管理嘅其他公司 business number。
- Represent a Client
- 你被授權做代表所管理嘅個人或商業稅務 (相關賬戶-Representative ID)。可以登入你所管理嘅賬戶們嘅My Account同My Business Account。登入Business Registration Online替授權你嘅人註冊新公司（Business Number)。
官方網址請自行copy and paste 落去個 browser 度核對清楚
- Business Registration Online
- (相關賬戶-SIN) 註冊新公司 (Sole Proprietor 獨資、Corporation 公司、Partnership 合夥) 領取 Business Number。註冊新公司入息稅賬戶(RC)、發工資賬戶(RP)、銷售稅賬戶(RT)、進口稅賬戶(RM)、慈善機構賬戶(RR)、及其他第三者代為申報表格賬戶(RZ)等。
官方網址請自行copy and paste 落去個 browser 度核對清楚
另外一提，記得要不時檢查清楚你嘅授權代表們同自動轉賬銀行戶口資料皆屬實。
有咩唔妥(可疑的)就通知相關政府部門。
ESDC 加拿大就業及社會發展部 portal:
- My Service Canada
- 個人援助津貼(賬戶-SIN)：就業保險 (EI) & 加拿大退休金計劃 (CPP) / 加拿大老年津貼 (OAS) 紀錄、改地址電話、改自動轉賬銀行戶口、T4糧單。
官方網址請自行copy and paste 落去個 browser 度核對清楚
ServiceOntario 安省服務
- 安省駕駛執照或醫療保險卡續期
- 定購Used vehicle information package (UVIP) 二手車信息包 (出售二手車用)
MyService Ottawa 渥太華市服務
- 提交帳單付款：泊車告票、司機告票、地稅、水費、托兒費、Presto card 公共交通乘客卡等。
- 各類投訴：噪音、爛路、壞街燈、違例泊車、有問題嘅樹木、動物、廢物等。
- 各類登記申請：康樂活動、寵物許可證、市政府工作職位、特別垃圾收集等。
eHealth Portal 安省醫療衛生局
- 查看COVID測試結果
- 查看/更新接種疫苗紀錄
