Views: 1
University of Ottawa (渥太華大學) 係世界上最大的英法雙語大學。學校嘅 Regulation on Bilingualism (雙語制度) 甚至表明：「每個學生有權選擇用英語或法語寫作業同回答考試問題。」換句話說， 即係你可以用法語上課，用英語寫作業；又或者用英語上課，用法語答考試問題。 對於雙語嘅學生嚟講，真係幾方便！
呢間大學，對於法語學生嚟講，其實仲有另一個優勢：可以比一般加拿大嘅學生讀少一年書就大學畢業。
Quebec (魁省)嘅中學係讀到Secondary V 中五 (Grade 11) 嘅，然後學生會轉去讀兩年差唔多免費嘅CEGEP(普通教育及職業專科學校)，再入大學。CEGEP畢業生進魁省嘅大學時會讀三年嘅大學課程，而其他省中六 (Grade 12) 畢業嘅學生進魁省嘅大學會讀四年嘅大學課程， 所以總括賴講，喺魁省讀大學嘅話，大學畢業時間還係一樣嘅。
但係渥太華大學係有一條隊比魁省中五畢業 (Grade 11) 嘅學生申報入讀大學一年級。咁即係讀完第十一班就可以入大一。用呢條隊的話就總體嚟講讀少一年書所以分分鐘16歲*入大學，早一年大學畢業。 呢條隊有咩入學要求可以喺呢個OU網業睇。讀咗一年CEGEP (Grade 12) 嘅學生亦有可能跳過去入大學讀二年級。 呢條隊有咩入學要求可以喺呢個OU網業睇。
咁冇喺Quebec 魁省讀中學嘅法語學生又點呢？渥太華大學仲有一條比法國海外學校生嘅隊。如果學生喺AEFE (法国海外教育署) 認可嘅法語中學讀書，完成classe de première (Grade 11) 課程嘅學生已經可以報讀大學一年級。 完成classe de terminale (Grade 12) 課程嘅學生就可以跳過去入大學讀二年級。 呢條隊有咩入學要求可以喺呢個OU網業睇。 喺渥太華AEFE認可嘅法語中學有 Lycée Claudel 。
* 9月到12月出生嘅小朋友Grade 11畢業後進大學，9月頭開學時未過生日嘅話仲係16歲 。
